الأكاديمية مليانة في الملعب.
والفلوس بتضيع برّه.
Velnix بتبني السيستم اللي ورا الأكاديمية: تسجيل، مدفوعات، تذكير، تجديد، تنبيهات للمدربين، وتقرير أسبوعي ليك. كله على الواتساب، ومن غير ما تلف ورا أولياء الأمور الساعة 12 بالليل.
تذكير قبل ميعاد الدفع، في يومه، وبعده
لكل مشترك، بدل كشكول وشيت وخمس جروبات
تمرينتين غياب ورا بعض والمدرب بيعرف على طول
تقريرك الأسبوعي: مين دفع، مين اتأخر، مين في خطر
تلات تسريبات أي صاحب أكاديمية عارفهم
التدريب مش هو المشكلة. المشكلة في كل اللي حواليه: الدفع والتجديد والمتابعة، اللي ماشيين على الذاكرة وجروبات الواتساب.
آخر الشهر، إنت أو حد من الموظفين بتمسك ليستة وتبعت للأهالي واحد واحد. ناس بتدفع، وناس تقول "الأسبوع الجاي"، ومحدش فاكر مين قال إيه.
طفل بيغيب أسبوعين، محدش بياخد باله، وبتعرف لما التجديد ميجيش. ساعتها العيلة تكون نقلت لأكاديمية تانية.
التسجيل على الواتساب، الفلوس في كشكول، والجداول في دماغك. الأكاديمية بتكبر، والشيفت الليلي بتاعك بيكبر معاها.
من التسجيل للتجديد، من غير ما حد يفتكر
دوس على أي خطوة تشوف اللي بيحصل جواها. (بيانات توضيحية)
الأكاديمية بتخسر كام في السنة؟
حط أرقامك. الأرقام اللي جوه مثال بس، غيّرها لأرقام أكاديميتك.
افتراض الاسترجاع
تقدير تقريبي من أرقامك: اللي بيمشوا كل شهر × الاشتراك × 12. بيفترض إن نفس العدد بيمشي كل شهر ومبيتعوّضش. مفيش أي رقم بيتبعت لأي حد.
Velnix للأكاديميات: نطاق ثابت، من غير مفاجآت
جوه الباكدج
- فورم تسجيل بالعربي، كل لاعب جديد بيبقى له سجل لوحده
- سجل المشتركين: الاشتراك، الدفع، الحضور، وبيانات ولي الأمر
- تذكير دفع قبل الميعاد وفي يومه وبعده، وتسجيل الكاش وإنستاباي والمحافظ
- تذكير تجديد، ورسالة رجوع للي بطّل
- تنبيهات للمدربين والموظفين على الواتساب
- تقرير أسبوعي ليك كل أحد
- تشغيل وتدريب للموظفين بالعربي
احكيلنا عن الأكاديمية
دقيقتين. الإجابات بتتحول لرسالة واتساب جاهزة، وبنرد في نفس اليوم نحدد مكالمة.
اللي بيحصل بعد ما تبعت
- 1برد عليك على واتساب في نفس اليوم.
- 2مكالمة 30 دقيقة: بتوريني الأكاديمية ماشية إزاي النهارده.
- 3عرض مكتوب على قد عدد مشتركينك، من غير عقود طويلة.
عبدالرحمن حازم
هتكلمني أنا، مش فريق مبيعات. أنا اللي بقعد معاك أفهم شغلك ماشي إزاي، وأنا اللي ببني النظام وأتابعه بعد التشغيل. لو حاجة وقفت، رقمي عندك.
الأهالي هيحتاجوا ينزّلوا أبلكيشن؟+
لأ. كل حاجة بتوصلهم على الواتساب اللي عندهم أصلاً. والموظفين كمان مش هيتعلموا برنامج جديد.
بيقبل دفع أونلاين؟+
بيشتغل بالطريقة اللي بتحصّل بيها دلوقتي: كاش، إنستاباي، محافظ، أو فوري. الموظف بيسجّل الدفعة في ثانية، والإيصال بيروح لولي الأمر. ولو حابب لينك دفع، بنضيفه بعدين.
التكلفة كام؟+
فيه خطة للأكاديميات أخف من خطط الشركات الكبيرة، على قد عدد المشتركين. بنتفق عليها في المكالمة، مكتوبة، ومن غير عقود طويلة.
وبيانات الأطفال؟+
بنسجّل أقل حاجة محتاجينها: الاسم، الفئة العمرية، والاشتراك، وموبايل ولي الأمر. مفيش بيانات طبية أو حساسة. البيانات على حسابات باسم الأكاديمية، والموظفين بيشوفوا اللي محتاجينه بس، والرسايل بتروح للأهالي اللي وافقوا بس.
التشغيل بياخد قد إيه؟+
على حسب البيانات متسجّلة إزاي النهارده. بنديك ميعاد واضح في أول مكالمة، وبننقل بيانات المشتركين الحاليين بنفسنا.
بتشتغلوا مع كل الرياضات؟+
أيوه. كورة، سباحة، فنون قتالية، تنس، جمباز… المشكلة واحدة: اشتراكات، حضور، وتجديد.
كل مشترك بيمشي من غير ما حد يكلمه، فلوس مش راجعة.
مكالمة 30 دقيقة، وهتعرف بالظبط الفلوس بتقع فين عندك.